Hadañ evit ar jardin

Hadennoù kentañ

E fin miz Gouel Mikael e oa bet hadet e-barzh ur bailh peadra plantañ e-barzh ar bern da-zont :  : 

roked, sezv a vro Sina, perisilh ha irvin roz a vro Sina get hadennoù am boa produet ma -unan 

ar bloaz paset.

 

 Ar bailh hadet get A (10 blez) ha goude un nebeud mizioù gand ar plantoù yaouank prest da vout plantet. 

Hadiñ piz bihan a-raok ar re-all                         Ne oa ket prest ar bern bras e miz c'hwevrer, neuze hon eus hadet piz e-barzh bouteilhoù plasteg en ur heuliañ an hentenn " Jardin bihan ar skolerion". Sellit doc'h http://lepetitjardin22.canalblog.com/. Diwaned o deus an hadennoù buan edan ur gouel gwenn. Setu amañ ar plantoù yaouank d'an 13 a viz meurzh just a-raok bout planted evel eo diskouezhed amañ.

 

 Troc'hed  eo ar vouteilhenn dre gaerig , kemered e vez ar blantenn yaouank gand an douar a zo e-barzh ar voutailhenn ha lakaed e vez e-barzh un doullenn en douar. Ar pal a zo plantañ anezhe gand o moudenn. Evel-se e vez gouniet 3 sizhun amzerd'an nebeutañ  d'ar piz bihan !

Gand an aon e vehent  debret gand ar pichoned hon eus lakaet brankoù spern du evid o gwarniañ...

Produed m'eus ma hadennoù ma-unan ar bloaz paset, hag m'eus eskemmet kalz anezhe gant tud ar gevredigezh "Kaol-kozh". Klask a reont gwarniañ ha skignañ an hadennoù kozh ha lec'hel. Sellit doc'h http://kaolkozh5.blogspot.fr/

Graed hon eus hadennoù e-barzh ur bailh brasañ gant tost ar memes doare d'ober ur bern :  koad er foñs, goude teilh ha goude douar-teilh mesked gand traezh. Soñj a reomp e vo tommet dre zindan un nebeud gant teilh ar boneyez !

Lakaed hon eus a-us ur werenn ( fenestr kozh adimplijet) ha ur sizhun goude grog a ra da ziwañ al letuz e penn kentañ miz Ebrel!
                                                                                                                                                                  

Ar bern kentañ achuet !

N'eo ket echu al labour !

 Lakaed hon eus war an tammoù koad ur meskaj teil ha foen roed gand "Likorn" ha goude ur gwiskat douar.

Ar bern douar dastumet er c'hleuzioù an hentoù

  

Bez e euz memes mil-krabaned bihan e-barzh !

 Un douar du ha brav gand un nebeud greun-traezh ha maen e-barzh.












 
Lakaed hon eus ur gwiskat douar 20 sm uhelder gand garigelloù (tro dro 250 garigellad !) en ur grogiñ war ar foñs dre ruilhañ war ar bern.

Evid non pas koll douar dre anneuenn ar brankoù bod-kelvez, hon eus lakaed ul linenn maen-glaz unan war bord unan-all.. Fardelled eo an douar evel-se ha ne vo ket re a louzeier "fall" evel-se.

Ar bern maen-glas

Staliañ ar maen-glas

Ar bern dre an Norzh ha dre ar Su

Setu ar bern achuet a-houde kreiz miz meurzh ! 22 m hirder, 1.20 m ledaner ha etre 80 sm e-kreiz ha 50 sm war ar bord !
 Planted hon eus sivi doc'h an tu Su, hag e-kreiz ar bern chalotez, ognon ruz ha melen, avaloù-douar. Hadet hon eus piz bihan da grapañ pe ket, ar re da zebr pep tra melen, fav ruz, betrav ruz, irvin gwen Daïkon a vro Japan, irvin ruz ront. Adplanted hon eus ognon padus, kraksivolez, letuz, penn-brikol pe brikoli, kaol-irvin ha chom a ra plas e-barzh c'hoazh !