Un eil ervenn vras

Bambou ha koad e plas an ervenn dazont

Serret hon eus e-pad ar gouañv tro dro 250 korzenn bambou ha kement se a brankoù kistin, haleg hag onn evit aozañ un eil ervenn vras. Lañset e oa bet an chanter e miz c'hwevrer get mignoned ar SEL hag amezeion. Setu ar chanter goude an devezh kentañ, d'ar 15 a viz c'hwevrer e oa : 

Fin an devezh kentañ

 

 

Ar moger mein e su an ervenn

Fin an eil devezh

 

 

 

 

 

 

 

 

 

 

 

 

War an tu Su hon eus aozet ur mogerig get neizhioù evit an amprevaned etre an tammoù mein. D'an tu reter hon eus lakaet brankoù koad evit ober heñvel d'an tu all an hent. Ur skipailh en deus lakaet tammoù kaod brein ha skourroù e-kreiz an ervenn dazonet. A-dreñv e welit ar bambouioù e vo staliet war houarnennoù betons plantet en douar. Setu ar pezh diaesañ d'ober peogwir eo leun a vein an douar.

An deiz war-lec'h leuniet e oa bet etre an daoù genkiz get delioù sec'h, teil-douar...

Ar c'henkiz bambou tost echu

Kemer kaoc'h ar bonedez

An ervenn leun a zelioù

Ged ur gwiskad foen ha kaoc'h 

Evit echuiñ ur gwiskad douar ag ar c'hleuzioù straedoù e oa bet roet deomp ar blez paset. Ret e oa kas an douar get garigelloù war plankennoù koad lakaet war ar bern en ur c'hrogañ dre foñs an ervenn.

An douar da gemer

Ar poubellenoù leun a zouar ha Likorn

An hent koad evit ar garigelloù

Leuniet eo get douar

Bordet eo get mein-glas

 Tu zo plantañ ha hadañ bremañ mes edan ur gouel evit o gwareziñ doc'h ar gwazi ! 

D'ar 25 a viz meurzh

D'ar 19 a viz Ebrel

Labourioù ar gouañv

E miz kalañ-gouiañv, e goulenn ur mignon gant Job un aotre evit krapiñ er gwez. Evel just a respont Job, mes e talv ar poan da servij an dra-se d'ober un dra bennak ! Bez zo amañ 3 gwezenn elv a stank un tamm re an draonienn hag e krogont da vout re-dev. Ma ous gouest da grapiñ ha da lakaat war o c'hef un gravatenn evit tenniñ doc'hte pa vo amzer da troc'hañ anezhe. Ac'hanta ! en deus respontet anezhoñ , Ha eñ d'en em gwiskañ gand ur bleu, ha da gemer un dafar evel a re a grap war ar menezioù uhel ....

Goude bout kravatet, o deus tennet mignoned all war ar senklenn evit lakaat anezhe da goueiñ war an tu mat, ur miz goude.




 
Ha goude troc'hañ ar c'hoad, un hanter-devezh labour d'ober gant plijadur

Bep tra a vehe mat ma n'en deus ket bet kouezhet un wezenn elv d'an tu fall ! Plaouf ! e-barzh ar stang ! Ret e oa implij un tenn-kreñv evit he sachañ betek an douar ha he troc'hañ ! un devezh labour muioc'h !


Er fin, eo achu al labour. Brav eo ar gweledva, heol zo bremañ war an draonienn.

Mes n'eo ket ken aes tremen ar wazh  gand ar garigellenn leun a ostilhoù !

Amzer ar gounid

E miz Gwengolo ha Gouel Mikael e vez dastumet legumaj tost bemdez !

 

Koulourd ha potimaron a heul ar c'hourgetez, fav sec'h a zo goude fav glas. Dastumet e oa bet an tomatez-kerrez betek miz Kala-gouiañv. Krog a ra al legumaj-gouiañv : karotez melen, kaol ha irvin roz. Dastumet e vez beotez ha ach hep ean ! Re zo ! neuze roet e vez kalz d'an amezein ha eskemmet e vez gant tud SEL An Alre (rouedad tud a eskemm traoù pe servijoù ) Setu o lec'hienn : http://www.net1901.org/association/SEL-DU-PAYS-DAURAY,1365147.html

N'hon eus ket dastummet kalz a verginerez, 2 nemetken, hag unan anezhi a oa bet debret gant melc'hwed ! Neuze, krouet hon eus an oberenn arzel-mañ brav-tre !

Huchadenn ar paotr kozh

Hag ar greun, petra e vo graet gante ?

Se zo reve ar plantoù. Laosket hon eus da tevaat daou gourjetezenn ha lakaet e vo er-maez e-pad ar gouiañv betek an nevez-amzer, dastumet e vo an had pa vo digoret e-unan ar frouezh.

Gand ar c'houloudr hag ar potimaron int dastumet pa vez debret : loasket e vez ar greun da vreinañ en dour e-pad tro dro 2 sizhun. E gwir, ne vrein nemet ar "c'hig" tro dro an hadennoù, ar re-se a chom difreuz. Goude gwalc'hiñ ha sec'hiñ pe e vez krazet evit debriñ d'an digor-kalon, pe e vez gwarniet en ur golo-lizher evit bout hadet ar bloaz a zeu. Gouiout a ran e vo a wezhoù souezhadennoù peogwir plij a ra d'ar familh ar c'hukurbitased da veskañ o dafar genitek gant kouloudrennoù all hag a zo pell awalc'h ! 

Laosket m'eus un nebeud panez da vleuniañ hag e miz gwengolo e oa dared ha sech ar greun. Neuze  o dastumet m'eus ha hadet m'eus un nebeud anezhe doc'htu peogwir e ouian ne bad ket pell amzer an had panez. Gwelout a rit ar re o deus diwanet buan awalc'h goude en tu dehou a-us ar foto-mañ. Krog a reont kreskiñ e-pad an diskar-amzer

Amzer ar c'histin

Ar blez-mañ e oa bet kouezhet ur c'hlavadenn a gistin ha keneù ! Ne oa ket ur gwir glav, ne oa ket da glemm, nemet ar milinour ne gav ket dour awalc'h evit lakaat da droiñ e durbinoù evit produiñ tredan e penn-kentañ miz Kala-gouiañv !
5 miz sec'hder , n'hon n'eus ket  gwelet an dra-se ahoude pell (1976, d'am soñj...)
















N'eo ket an houidi a glemm, liesaet o deus e-pad ar seazon brav war bord ar stank  ha kavet o deus peadra d'o magañ ha ober druzoni a-raok ar gouiañv ! Menan menan, pegen apetus eo !
 

 

Ar pezh souezhusañ eo an "amaranted"

An tan-arvest-mañ gant bizied voulouz a zo "amaranted fri olifant". Dastumet e vo goude o had goude. Mat eo da zebriñ, seblant a ra evel un ed...